ਧਰਮਸ਼ਾਲਾ, 12 ਨਵੰਬਰ- ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਜ਼ਿਲ੍ਹੇ ਦੇ ਬੈਜਨਾਥ ਵਿੱਚ ਸੈਲਾਨੀਆਂ ਨੂੰ ਲੈ ਕੇ ਜਾ ਰਹੀ ਬੱਸ ਹਾਦਸੇ ਦਾ ਸ਼ਿਕਾਰ ਹੋ ਗਈ ਹੈ। ਖੁਸ਼ਕਿਸਮਤੀ ਨਾਲ ਇਸ ਹਾਦਸੇ ਵਿੱਚ ਕਿਸੇ ਸੈਲਾਨੀ ਦੀ ਮੌਤ ਨਹੀਂ ਹੋਈ। ਸਿਰਫ 2 ਵਿਅਕਤੀ ਜ਼ਖ਼ਮੀ ਹੋਏ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੁਜਰਾਤ ਦੇ ਸੈਲਾਨੀਆਂ ਨਾਲ ਭਰੀ ਬੱਸ ਖੱਡ ਵਿੱਚ ਪਲਟ ਗਈ ਪਰ ਉਸੇ ਸਮੇਂ ਦਰੱਖਤ ਵਿੱਚ ਫੱਸ ਗਈ। ਇਸ ਕਾਰਨ ਵੱਡਾ ਹਾਦਸਾ ਟਲ ਗਿਆ। ਬੱਸ ਵਿੱਚ ਗੁਜਰਾਤ ਦੇ 56 ਸੈਲਾਨੀ ਸਵਾਰ ਸਨ ਅਤੇ ਇਹ ਲੋਕ ਮਨਾਲੀ ਤੋਂ ਧਰਮਸ਼ਾਲਾ ਵੱਲ ਆ ਰਹੇ ਸਨ।
