ਜਾਣੋ ਕਿਉਂ ਬਦਲਿਆ ਪਰਗਟ ਸਿੰਘ ਦਾ ਅਹੁਦਾ, ਕੌਣ ਹੈ ਪੰਜਾਬ ਕਾਂਗਰਸ ਦਾ ਨਵਾਂ ਖ਼ਜ਼ਾਨਚੀ

ਚੰਡੀਗੜ੍ਹ, 22 ਸਤੰਬਰ, 2021: ਜਲੰਧਰ ਕੈਂਟ ਹਲਕੇ ਤੋਂ ਵਿਧਾਇਕ ਪਰਗਟ ਸਿੰਘ ਨੁੰ ਕੱਲ੍ਹ ਏ ਆਈ ਸੀ ਸੀ ਨੇ ਪਾਰਟੀ ਦਾ ਜਨਰਲ ਸਕੱਤਰ ਨਿਯੁਕਤ ਕੀਤਾ ਹੈ। ਅਸਲ ਵਿਚ ਪਰਗਟ ਸਿੰਘ ਦੀ ਜਨਰਲ ਸਕੱਤਰ ਵਜੋਂ ਨਿਯੁਕਤੀ ਤਾਂ ਪਹਿਲਾਂ ਹੀ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ ਨੇ ਕੀਤੀ ਹੋਈ ਸੀ ਪਰ ਉਹ ਨਿਯੁਕਤੀ ਜਨਰਲ ਸਕੱਤਰ (ਸੰਗਠਨ) ਦੇ ਤੌਰ ’ਤੇ ਸੀ। ਹੁਣ ਪਰਗਟ ਸਿੰਘ ਤੋਂ ਸੰਗਠਨ ਦੀ ਜ਼ਿੰਮੇਵਾਰੀ ਵਾਪਸ ਲੈ ਲਈ ਗਈ ਹੈ ਕਿਉਂਕਿ ਉਹਨਾਂ ਦਾ ਪੰਜਾਬ ਵਜ਼ਾਰਤ ਵਿਚ ਮੰਤਰੀ ਬਣਨਾ ਤੈਅ ਮੰਨਿਆ ਜਾ ਰਿਹਾ ਹੈ।
ਦੂਜੇ ਪਾਸੇ ਪੰਜਾਬ ਕਾਂਗਰਸ ਦੇ ਖ਼ਜ਼ਾਨਚੀ ਨਿਯੁਕਤ ਕੀਤੇ ਗਏ ਗੁਲਜ਼ਾਰ ਇੰਦਰ ਸਿੰਘ ਚਾਹਲ ਕੌਣ ਹਨ, ਇਹ ਵੀ ਦੱਸਦੇ ਹਾਂ:ਗੁਲਜ਼ਾਰ ਇੰਦਰ ਸਿੰਘ ਚਹਿਲ ਪੰਜਾਬੀ ਫਿਲਮਾਂ ਦੇ ਐਕਟ ਰਹੇ ਹਨ ਤੇ ਸਾਬਕਾ ਡੀ ਆਈ ਜੀ ਹਰਿੰਦਰ ਚਾਹਲ ਦੇ ਸਪੁੱਤਰ ਹਨ। ਨੌਜਵਾਨ ਆਗੂ ਨੂੰ ਖਜ਼ਾਨਚੀ ਲਗਾ ਕੇ ਪਾਰਟੀ ਨੇ ਨੌਜਵਾਨ ਵਰਗ ਨੁੰ ਨਾਲ ਜੋੜਨ ਦਾ ਯਤਨ ਕੀਤਾ ਹੈ।