ਨਵੀਂ ਦਿੱਲੀ, 2 ਸਤੰਬਰ, 2021: ਰਾਜ ਸਭਾ ਦੇ ਸਾਬਕਾ ਮੈਂਬਰ ਤੇ ਸੀਨੀਅਰ ਪੱਤਰਕਾਰ ਚੰਦਨ ਮਿੱਤਰਾ ਦਾ ਦਿਹਾਂਤ ਹੋ ਗਿਆ ਹੈ। ਇਸ ਗੱਲ ਦੀ ਪੁਸ਼ਟੀ ਉਹਨਾਂ ਦੇ ਪੁੱਤਰ ਕੁਸ਼ਨ ਮਿੱਤਰਾ ਨੇ ਕੀਤੀ ਤੇ ਦੱਸਿਆ ਕਿ ਉਹਨਾਂ ਦਾ ਕੱਲ੍ਹ ਦੇਰ ਰਾਤ ਦਿਹਾਂਤ ਹੋ ਗਿਆ ਹੈ।
ਦੱਸਣਯੋਗ ਹੈ ਕਿ ਅੰਗਰੇਜ਼ੀ ਅਖਬਾਰ ਦਾ ਪਾਇਓਨੀਅਰ ਦੀ ਹੋਂਦ ਨੂੰ ਬਚਾਉਣ ਵਾਸਤੇ ਚੰਦਨ ਮਿੱਤਰਾ ਨੇ ਬਹੁਤ ਕੁਝ ਦਾਅਵ ’ਤੇ ਲਗਾ ਦਿੱਤਾ ਸੀ। ਇਹ ਅਖਬਾਰ ਆਪਣੇ ਜ਼ਮਾਨੇ ਵਿਚ ਬਹੁਤ ਪ੍ਰਸਿੱਧ ਅਖਬਾਰ ਰਿਹਾ ਹੈ।
ਇਸ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਮੀਡੀਆ ਸਲਾਹਕਾਰ ਰਵੀਨ ਠੁਕਰਾਲ ਨੇ ਡਾ. ਚੰਦਨ ਮਿੱਤਰਾ ਦੇ ਦਿਹਾਂਤ ’ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ ਹੈ। ਇਕ ਟਵੀਟ ਵਿਚ ਉਹਨਾਂ ਕਿਹਾ ਕਿ ਉਹਨਾਂ ਨੁੰ ਡਾ. ਮਿੱਤਰਾ ਨਾਲ ਕੰਮ ਕਰਨ ਦਾ ਮਾਣ ਹੈ ਉਸ ਸਮੇਂ ਦੀਆਂ ਡੂੰਘੀਆਂ ਯਾਦਾਂ ਵੀ ਹਨ। ਉਹਨਾਂ ਪਰਿਵਾਰ ਨਾਲ ਡੂੰਘੇ ਦੁੱਖ ਦਾ ਇਜ਼ਹਾਰ ਕੀਤਾ।
