ਝਾਰਖੰਡ ਵਿੱਚ ਨਕਸਲੀਆਂ ਨੇ 11 ਵਾਹਨਾਂ ਨੂੰ ਲਗਾਈ ਅੱਗ

ਲੋਹਰਦਗਾ, 23 ਜੂਨ ਝਾਰਖੰਡ ਵਿੱਚ ਲੋਹਰਦਗਾ ਜ਼ਿਲ੍ਹੇ ਦੇ ਕਿਸਕੋ ਥਾਣਾ ਖੇਤਰ ਵਿੱਚ ਨਕਸਲੀਆਂ ਨੇ ਇਕ ਬਾਕਸਾਈਟ ਮਾਇੰਸ ਤੇ ਹਮਲਾ ਕਰ ਕੇ 11 ਵਾਹਨਾਂ ਵਿੱਚ ਅੱਗ ਲਗਾ ਦਿੱਤੀ| ਪੁਲੀਸ ਸੂਤਰਾਂ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਪੋਖਰ ਪਿੰਡ ਨੇੜੇ ਬੀਕੇਬੀ ਕੰਪਨੀ ਅਤੇ ਬਾਲਾਜੀ ਕੰਪਨੀ ਦੇ ਕਈ ਵਾਹਨ ਲੱਗੇ ਹੋਏ ਸਨ ਅਤੇ ਬਾਕਸਾਈਟ ਖਨਨ ਦਾ ਕੰਮ ਜਾਰੀ ਸੀ| ਇਸ ਕ੍ਰਮ ਵਿੱਚ ਦੇਰ ਰਾਤ ਕਰੀਬ 50 ਦੀ ਗਿਣਤੀ ਵਿੱਚ ਹਥਿਆਰਬੰਦ ਨਕਸਲੀ ਪਹੁੰਚੇ ਅਤੇ ਉੱਥੇ ਮੌਜੂਦ ਚਾਲਕਾਂ, ਸਹਿ ਚਾਲਕਾਂ ਸਮੇਤ ਹੋਰ ਕਰਮਚਾਰੀਆਂ ਨੂੰ ਉਥੋਂ ਭਜਾ ਦਿੱਤਾ| ਸੂਤਰਾਂ ਨੇ ਦੱਸਿਆ ਕਿ ਇਸ ਤੋਂ ਬਾਅਦ ਨਕਸਲੀਆਂ ਨੇ ਵਾਹਨਾਂ ਤੋਂ ਡੀਜ਼ਲ ਕੱਢ ਕੇ 9 ਵੋਲਵੇ ਪਾਕਲੇਨ ਅਤੇ 2 ਕੰਪ੍ਰੇਸਰ ਡਰਿੱਲ ਮਸ਼ੀਨ ਤੇ ਡੀਜ਼ਲ ਸੁੱਟ ਕੇ ਅੱਗ ਲਗਾ ਦਿੱਤੀ|
ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨਕਸਲੀ ਆਪਣੇ ਸੰਗਠਨ ਦੇ ਸਮਰਥਨ ਵਿੱਚ ਨਾਅਰੇਬਾਜ਼ੀ ਕਰਦੇ ਹੋਏ ਫਰਾਰ ਹੋ ਗਏ| ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ ਤੇ ਪਹੁੰਚੀ ਪੁਲਸ ਮਾਮਲੇ ਦੀ ਜਾਂਚ ਵਿੱਚ ਜੁਟ ਗਈ| ਉੱਥੇ ਹੀ ਘਟਨਾ ਤੋਂ ਬਾਅਦ ਪਿੰਡ ਵਾਲਿਆਂ ਵਿੱਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ| ਘਟਨਾ ਦੇ ਪਿੱਛੇ ਦਾ ਕਾਰਨ ਫਿਲਹਾਲ ਸਪੱਸ਼ਟ ਨਹੀਂ ਹੋ ਸਕਿਆ ਹੈ|