ਫਰਿਜ਼ਨੋ ’ਚ “ਪੰਜਾਬੀਅਤ” ਮੈਗਜ਼ੀਨ ਰਲੀਜ਼ ਸਹਿਤਕ ਜਗਤ ਲਈ ਇਤਿਹਾਸਕ ਪਲ

ਫਰਿਜ਼ਨੋ, ਕੈਲਿਫੋਰਨੀਆ – ਪੰਜਾਬੀ ਰੇਡੀਓ ਦੇ ਵਿਹੜੇ ’ਚ ਫਰਿਜ਼ਨੋ ਦੇ ਪਹਿਲੇ ਪੰਜਾਬੀ ਮੈਗਜ਼ੀਨ “ਪੰਜਾਬੀਅਤ” ਦਾ ਰਲੀਜ਼ ਸਮਾਗਮ ਸ਼ਾਨਦਾਰ ਢੰਗ ਨਾਲ ਕੀਤਾ ਗਿਆ। ਇਹ ਮੈਗਜ਼ੀਨ ਪੰਜਾਬੀ ਭਾਸ਼ਾ, ਸੱਭਿਆਚਾਰ ਅਤੇ ਸਹਿਤ ਨੂੰ ਅੱਗੇ ਵਧਾਉਣ ਵਾਲਾ ਇਕ ਮਹੱਤਵਪੂਰਨ ਕਦਮ ਹੈ।
ਮੈਗਜ਼ੀਨ ਦੇ ਐਡੀਟਰ ਅਵਤਾਰ ਗੁਦਾਰਾ ਅਤੇ ਸੰਤੋਖ ਮਨਿਹਾਸ ਹਨ, ਜਿਨ੍ਹਾਂ ਨੇ ਸਹਿਤ ਦੇ ਖੇਤਰ ਵਿੱਚ ਆਪਣਾ ਲੰਬਾ ਅਤੇ ਪ੍ਰਭਾਵਸ਼ਾਲੀ ਯੋਗਦਾਨ ਦਿੱਤਾ ਹੈ। ਦੋਹਾਂ ਦੀਆਂ ਲਿਖਤਾਂ ਨੇ ਸਦਾ ਪੰਜਾਬੀ ਕਲਮ ਨੂੰ ਜਾਗਰੂਕ ਅਤੇ ਸੰਵੇਦਨਸ਼ੀਲ ਰੂਪ ਦਿੱਤਾ ਹੈ।
ਸਮਾਗਮ ਦੌਰਾਨ ਫਰਿਜ਼ਨੋ ਏਰੀਏ ਦੀਆਂ ਅਨੇਕਾਂ ਸਹਿਤਕ ਸ਼ਖ਼ਸੀਅਤਾਂ, ਸ਼ਾਇਰਾਂ, ਪੱਤਰਕਾਰਾਂ ਅਤੇ ਕਲਮਕਾਰਾਂ ਨੇ ਭਾਗ ਲਿਆ। ਹਰ ਕਿਸੇ ਨੇ “ਪੰਜਾਬੀਅਤ” ਮੈਗਜ਼ੀਨ ਦੀ ਸ਼ੁਰੂਆਤ ਨੂੰ ਪੰਜਾਬੀ ਸੱਭਿਆਚਾਰ ਲਈ ਇਕ ਵੱਡਾ ਪਗ੍ਹ ਕਹਿੰਦੇ ਹੋਏ ਵਧਾਈਆਂ ਪੇਸ਼ ਕੀਤੀਆਂ।
ਇਹ ਮੈਗਜ਼ੀਨ ਨਾ ਸਿਰਫ ਸਥਾਨਕ ਲੇਖਕਾਂ ਦੀ ਆਵਾਜ਼ ਬਣੇਗਾ, ਸਗੋਂ ਨੌਜਵਾਨ ਪੀੜ੍ਹੀ ਨੂੰ ਵੀ ਆਪਣੀ ਜੜਾਂ ਨਾਲ ਜੋੜਣ ਵਿੱਚ ਮਦਦਗਾਰ ਸਾਬਤ ਹੋਵੇਗਾ। “ਪੰਜਾਬੀਅਤ” ਮੈਗਜ਼ੀਨ ਦੀ ਰਚਨਾ ਅਤੇ ਇਸ ਦਾ ਉਦੇਸ਼ ਸੱਭਿਆਚਾਰਕ ਸੰਚਾਰ ਨੂੰ ਮਜ਼ਬੂਤ ਕਰਨਾ ਹੈ, ਜੋ ਕਿ ਇੰਮੀਗ੍ਰੈਂਟ ਭਾਈਚਾਰੇ ਲਈ ਇਕ ਨਵੀਂ ਰੋਸ਼ਨੀ ਦੀ ਲਕੀਰ ਹੈ।
ਇਸ ਇਤਿਹਾਸਕ ਪਲ ਨੂੰ ਯਾਦਗਾਰ ਬਣਾਉਂਦੇ ਹੋਏ, ਸਾਰਿਆਂ ਨੇ ਮੈਗਜ਼ੀਨ ਦੀ ਲੰਬੀ ਉਡਾਣ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।