ਅਮਰੀਕਾ ਨੇ 5 ਚੀਨੀ ਕੰਪਨੀਆਂ ਤੇ ਲਾਈ ਪਾਬੰਦੀ, ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਕਰਨ ਦਾ ਲਾਇਆ ਦੋਸ਼

ਵਾਸ਼ਿੰਗਟਨ – ਅਮਰੀਕਾ ਅਤੇ ਚੀਨ ਦੇ ਵਿਚਕਾਰ ਵਪਾਰ ਯੁੱਧ ਇਕ ਵਾਰ ਫਿਰ ਜ਼ੋਰ ਫੜਦੀ ਨਜ਼ਰ ਆ ਰਿਹਾ ਹੈ। ਅਮਰੀਕਾ ਨੇ ਚੀਨ ਦੀਆਂ ਪੰਜ ਕੰਪਨੀਆਂ ਤੇ ਪਾਬੰਦੀ ਲਾ ਦਿੱਤੀ ਹੈ। ਅਮਰੀਕਾ ਨੇ ਚੀਨ ਦੀਆਂ ਇਨ੍ਹਾਂ ਪੰਜ ਕੰਪਨੀਆਂ ਤੇ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਗਾਇਆ ਹੈ। ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਅਮਰੀਕਾ ਦੁਆਰਾ ਕਈ ਚੀਨੀ ਕੰਪਨੀਆਂ ਨੂੰ ਬੈਨ ਕੀਤਾ ਜਾ ਚੁੱਕਾ ਹੈ।ਵਿਦੇਸ਼ ਨੀਤੀ ਦੇ ਤਹਿਤ ਅਮਰੀਕਾ ਨੇ ਜੀ. ਸੀ. ਐਲ. ਨਿਊਂ ਐਨਰਜੀ ਮਟਰੀਅਲ ਤਕਨਾਲੋਜੀ, ਸਿਨਜਿਆਂਗ ਡਕੌ ਨਿਊ ਐਨਰਜੀ, ਸਿਨਜਿਆਂਗ ਈਸਟ ਹੋਪ ਨਾਨਫਰਸ ਮੈਟਲਸ, ਹੋਸ਼ਾਈਨ ਸਿਲਿਕਨ ਇੰਡਸਟਰੀ (ਸ਼ਾਨਸ਼ਾਨ) ਅਤੇ ਸ਼ਿਨਜਿਆਂਗ ਪ੍ਰੋਡਕਸ਼ਨ ਐਂਡ ਕੰਸਟਰਕਸ਼ਨ ਕਾਪਰਸ ਤੇ ਕਾਰਵਾਈ ਕੀਤੀ ਹੈ। ਅਮਰੀਕੀ ਸਰਕਾਰ ਨੇ ਪਤਾ ਲੱਗਿਆ ਕਿ ਪੰਜ ਕੰਪਨੀਆਂ ਧਾਰਮਿਕ ਅਤੇ ਜਾਤੀ ਆਧਾਰ ਤੇ ਘੱਟ ਗਿਣਤੀ ਦੇ ਨਾਲ ਮਨੁੱਖੀ ਅਧਿਕਾਰਾਂ ਦੀ ਉਲੰਘਨਾ ਕਰ ਰਹੀ ਹੈ। ਇਸ ਵਿੱਚ ਦਮਨ, ਜ਼ਬਰਨ ਸ਼ਰਮ ਅਤੇ ਉੱਚ ਤਕਨੀਕ ਨਿਗਰਾਨੀ ਦੀਆਂ ਕਾਰਵਾਈਆਂ ਸ਼ਾਮਲ ਹਨ।ਇਸ ਤੋਂ ਪਹਿਲਾਂ ਵੀ ਅਮਰੀਕਾ ਨੇ ਫੌਜੀ ਉਦਯੋਗ ਖੇਤਰ ਨਾਲ ਜੁੜੀਆਂ ਚੀਨ ਦੀਆਂ 28 ਕੰਪਨੀਆਂ ਨੂੰ ਬੈਨ ਕਰਕੇ ਉਨ੍ਹਾਂ ਵਿੱਚ ਅਮਰੀਕੀ ਨਿਵੇਸ਼ ਰੋਕ ਦਿੱਤਾ ਸੀ। ਅਮਰੀਕੀ ਸਰਕਾਰ ਵੱਲੋਂ ਬਲੈਕ ਲਿਸਟ ਚੀਨੀ ਕੰਪਨੀਆਂ ਵਿੱਚ ਟੈਲੀਕਾਮ, ਕੰਸਟਰਕਸ਼ਨ ਅਤੇ ਤਕਨਾਲੋਜੀ ਸੈਕਟਰ ਦੀਆਂ ਕੰਪਨੀਆਂ ਸ਼ਾਮਲ ਸੀ। ਇਸ ਤੋਂ ਬਾਅਦ ਚੀਨੀ ਸਰਕਾਰ ਨੇ ਅਮਰੀਕੀ ਸਰਕਾਰ ਦੇ ਬਲੈਕ ਲਿਸਟ ਖ਼ਿਲਾਫ਼ ਵਿਰੋਧ ਜਤਾਇਆ ਸੀ।