ਪਟਨਾ ਵਿੱਚ ਸੇਵਾਮੁਕਤ ਡੀ. ਐਸ. ਪੀ. ਨੇ ਗੋਲੀ ਮਾਰ ਕੇ ਕੀਤੀ ਖੁਦਕੁਸ਼ੀ

ਪਟਨਾ, 23 ਜੂਨ ਬਿਹਾਰ ਦੀ ਰਾਜਧਾਨੀ ਪਟਨਾ ਵਿੱਚ ਸੇਵਾਮੁਕਤ ਡੀ. ਐਸ. ਪੀ. ਨੇ ਲਾਇਸੈਂਸੀ ਪਿਸਤੌਲ ਨਾਲ ਖੁਦ ਨੂੰ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ| ਇਹ ਘਟਨਾ ਪਟਨਾ ਦੇ ਬੇਉਰ ਥਾਣਾ ਖੇਤਰ ਦੇ ਮਿੱਤਰ ਮੰਡਲੀ ਕਾਲੋਨੀ ਦੀ ਹੈ| ਜਾਣਕਾਰੀ ਮੁਤਾਬਕ ਅੱਜ ਸਵੇਰ ਨੂੰ ਸੇਵਾਮੁਕਤ 68 ਸਾਲਾ ਡੀ. ਐਸ. ਪੀ. ਕੇ. ਚੰਦਰ ਨੇ ਖੁਦ ਨੂੰ ਆਪਣੀ ਹੀ ਲਾਇਸੈਂਸੀ ਪਿਸਤੌਲ ਨਾਲ ਗੋਲੀ ਮਾਰ ਲਈ|
ਜਿਕਰਯੋਗ ਹੈ ਕਿ ਡੀ. ਐਸ. ਪੀ. ਚੰਦਰ ਨੇ ਮਾਨਸਿਕ ਤਣਾਅ ਕਾਰਨ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ| ਮੌਕੇ ਤੋਂ ਪੁਲਸ ਨੇ ਸੁਸਾਈਡ ਨੋਟ ਅਤੇ ਪਿਸਤੌਲ ਬਰਾਮਦ ਕੀਤੀ ਹੈ|
ਗੋਲੀ ਲੱਗਣ ਨਾਲ ਉਨ੍ਹਾਂ ਦੀ ਮੌਕੇ ਤੇ ਹੀ ਮੌਤ ਹੋ ਗਈ| ਸੂਤਰਾਂ ਨੇ ਦੱਸਿਆ ਕਿ ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਪੁਲੀਸ ਮੌਕੇ ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ| ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜਿਆ ਗਿਆ ਹੈ| ਖੁਦਕੁਸ਼ੀ ਕਰਨ ਵਾਲੇ ਸੇਵਾਮੁਕਤ ਡੀ. ਐਸ. ਪੀ. ਚੰਦਰ ਪਟਨਾ ਵਿੱਚ ਐਨਕਾਊਂਟਰ ਲਈ ਕਾਫੀ ਮਸ਼ਹੂਰ ਸਨ| ਇਸ ਘਟਨਾ ਦੇ ਪਿੱਛੇ ਦੀ ਵਜ੍ਹਾ ਮਾਨਸਿਕ ਤਣਾਅ ਦੱਸਿਆ ਜਾ ਰਿਹਾ ਹੈ| ਖੁਦਕੁਸ਼ੀ ਦੀ ਇਸ ਘਟਨਾ ਤੋਂ ਬਾਅਦ ਮੁਹੱਲੇ ਵਿੱਚ ਸਨਸਨੀ ਫੈਲ ਗਈ|