ਆਰੀਅਨਜ਼ ਵਿਖੇ “ਆਈਲੈਟਸ: ਗੇਟਵੇ ਟੂ ਇੰਟਰਨੈਸ਼ਨਲ ਐਜੂਕੇਸ਼ਨ” ਤੇ ਵੈਬਿਨਾਰ ਆਯੋਜਿਤ

ਮੁਹਾਲੀ – ਆਰੀਅਨਜ਼ ਗਰੁੱਪ ਆਫ਼ ਕਾਲੇਜਿਸ, ਰਾਜਪੁਰਾ, ਨੇੜੇ ਚੰਡੀਗੜ੍ਹ ਨੇ ਇੰਟਰਨੈਸ਼ਨਲ ਇੰਗਲਿਸ਼ ਲੈਂਗਵੇਜ ਟੈਸਟ (ਆਈਲੈਟਸ), “ਗੇਟਵੇ ਟੂ ਇੰਟਰਨੈਸ਼ਨਲ ਐਜੂਕੇਸ਼ਨ” ਇਕ ਵੈਬਿਨਾਰ ਦਾ ਆਯੋਜਨ ਕੀਤਾ। ਸ਼੍ਰੀਮਤੀ ਨਿਧੀ ਮਲਿਕ, ਆਈਲੈਟਸ ਟ੍ਰੇਨਰ, ਨੇ ਆਰੀਅਨਜ਼ ਨਰਸਿੰਗ, ਫਾਰਮੇਸੀ, ਲਾਅ, ਇੰਜੀਨੀਅਰਿੰਗ, ਪ੍ਰਬੰਧਨ, ਬੀ.ਐਡ ਅਤੇ ਖੇਤੀਬਾੜੀ ਦੇ ਵਿਦਿਆਰਥੀਆਂ ਨਾਲ ਗੱਲਬਾਤ ਕੀਤੀ। ਆਰੀਅਨਜ਼ ਗਰੁੱਪ ਦੇ ਚੇਅਰਮੈਨ ਡਾ: ਅੰਸ਼ੂ ਕਟਾਰੀਆ ਨੇ ਇਸ ਸਮਾਗਮ ਦੀ ਪ੍ਰਧਾਨਗੀ ਕੀਤੀ।ਨਿਧੀ ਨੇ ਵਿਦਿਆਰਥੀਆਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਅੰਗਰੇਜ਼ੀ ਦੁਨੀਆ ਦੀ ਤੀਜੀ ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਭਾਸ਼ਾ ਹੈ ਅਤੇ ਵਿਸ਼ਵ ਭਰ ਵਿਚ ਲਗਭਗ 379 ਮਿਲੀਅਨ ਲੋਕ ਅੰਗਰੇਜ਼ੀ ਬੋਲਦੇ ਹਨ। ਇੰਟਰਨੈਸ਼ਨਲ ਇੰਗਲਿਸ਼ ਲੈਂਗਵੇਜ ਟੈਸਟ (ਆਈਲੈਟਸ) ਅਜਿਹੇ ਦੇਸ਼ਾ ਵਿੱਚ ਕੰਮ ਕਰਨ, ਅਧਿਐਨ ਕਰਨ ਜਾਂ ਮਾਈਗਰੇਟ ਕਰਨ ਵਿੱਚ ਤੁਹਾਡੀ ਸਹਾਇਤਾ ਲਈ ਤਿਆਰ ਕੀਤਾ ਗਿਆ ਹੈ, ਜਿੱਥੇ ਅੰਗਰੇਜ਼ੀ ਮੂਲ ਭਾਸ਼ਾ ਹੈ। ਇਸ ਵਿੱਚ ਕੈਨੇਡਾ, ਆਸਟਰੇਲੀਆ, ਨਿਊਜ਼ੀਲੈਂਡ, ਯੂਕੇ ਅਤੇ ਅਮਰੀਕਾ ਵਰਗੇ ਦੇਸ਼ ਸ਼ਾਮਲ ਹਨ। ਉਨਾ ਨੇ ਕਿਹਾ ਕਿ ਆਈਲੈਟਸ ਨੂੰ 1-9 ਦੇ ਪੈਮਾਨੇ ‘ਤੇ ਗ੍ਰੇਡ ਕੀਤਾ ਗਿਆ ਹੈ ਅਤੇ ਇੰਗਲਿਸ਼ ਵਿਚ ਸੁਣਨ, ਪੜ੍ਹਨ, ਲਿਖਣ ਅਤੇ ਬੋਲਣ ਦੀ ਯੋਗਤਾ ਦਾ ਮੁਲਾਂਕਣ ਟੈਸਟ ਦੇ ਦੌਰਾਨ ਕੀਤਾ ਜਾਵੇਗਾ।ਨਿਧੀ ਨੇ ਕਿਹਾ ਕਿ ਤੁਹਾਡਾ ਆਪਣੇ ਆਈਲੈਟਸ ਵਿੱਚ ਵਧੀਆ ਸਕੋਰ ਇੱਕ ਬਿਹਤਰ ਸਮਝ ਅਤੇ ਅੰਗਰੇਜ਼ੀ ਵਿੱਚ ਵਾਰਤਾਲਾਪ ਕਰਨ ਦੀ ਯੋਗਤਾ ਨੂੰ ਦਰਸਾਉਂਦਾ ਹੈ। ਹਰੇਕ ਇਮੀਗ੍ਰੇਸ਼ਨ ਬਾਡੀ, ਯੂਨੀਵਰਸਿਟੀ, ਕਾਰਜ ਸਥਾਨ ਜਾਂ ਸੰਸਥਾ ਲਈ ਆਈਲੈਟਸ ਵਿੱਚ ਵਿਸ਼ੇਸ਼ ਸਕੋਰ ਲੋੜੀਂਦਾ ਹੈ ਅਤੇ ਉਸ ਦੇਸ਼ ਵਿਚ ਕੰਮ ਜਾਂ ਅਧਿਐਨ ਕਰਨਾ ਇਸ ਸਕੋਰ ‘ਤੇ ਨਿਰਭਰ ਹੁੰਦਾ ਹੈ। ਆਈਲੈਟਸ ਦਾ ਵਿਕਾਸ ਅੰਗ੍ਰੇਜ਼ੀ ਭਾਸ਼ਾ ਦੀ ਮੁਹਾਰਤ ਦਾ ਸਹੀ ਮੁਲਾਂਕਣ ਪ੍ਰਦਾਨ ਕਰਨ ਲਈ ਕੀਤਾ ਗਿਆ ਹੈ।ਦੱਸਣਯੋਗ ਹੈ ਕਿ ਆਰੀਅਨਜ਼ ਗਰੁੱਪ ਆਫ਼ ਕਾਲੇਜਿਸ ਨੇ ਕਨੇਡਾ ਦੀਆਂ 500 ਤੋਂ ਵੀ ਵੱਧ ਨਾਮਵਰ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਨਾਲ ਟਾਈ ਅੱਪ ਕੀਤਾ ਹੈ। ਵਿਦਿਆਰਥੀ ਆਰੀਅਨਜ਼ ਵਿਖੇ ਕੁਝ ਕੋਰਸਾਂ ਨਾਲ ਆਪਣੀ ਸਿੱਖਿਆ ਦੀ ਸ਼ੁਰੂਆਤ ਕਰ ਸਕਦੇ ਹਨ ਅਤੇ ਕਨੇਡਾ ਵਿਖੇ ਬਾਕੀ ਕੋਰਸ ਕ੍ਰੈਡਿਟ ਟ੍ਰਾਂਸਫਰ ਜਾਂ ਪਾਥਵੇਅ ਪ੍ਰੋਗਰਾਮਾਂ ਤਹਿਤ ਪੂਰੇ ਕਰ ਸਕਦੇ ਹਨ।