ਪਟਿਆਲਾ, 26 ਅਗਸਤ 2020 – ਪਬਲਿਕ ਦੇ ਹਿਤ ਵਿੱਚ ਪਟਿਆਲਾ ਪੁਲਿਸ ਦਾ ਇੱਕ ਹੋਰ ਨਵਾਂ ਉਪਰਾਲਾ ਕਰਦਿਆਂ ਇਕ ਨਵਾਂ ਵਟ੍ਹਸਐਪ ਹੈਲਪਲਾਇਨ ਨੰਬਰ ਜਾਰੀ ਕੀਤਾ ਹੈ। ਐਸ.ਐਸ.ਪੀ ਪਟਿਆਲਾ ਵਿਕਰਮ ਜੀਤ ਦੁੱਗਲ ਵੱਲੋਂ ਅੱਜ ਬੁੱਧਵਾਰ ਨੂੰ ਪਬਲਿਕ ਦੇ ਹਿਤ ਵਿੱਚ ਇਕ ਨਵਾਂ ਵਟ੍ਹਸਐਪ ਨੰਬਰ ਜਾਰੀ ਕੀਤਾ ਗਿਆ, ਜਿਸ ਦੀ ਮਦਦ ਨਾਲ ਪਬਲਿਕ ਵਿੱਚੋਂ ਕੋਈ ਵੀ ਪਟਿਆਲਾ ਪੁਲਿਸ ਨਾਲ 96468-00112 ਵਟ੍ਹਸਐਪ ਰਾਹੀਂ ਸੰਪਰਕ ਕਰ ਸਕਦਾ ਹੈ।
ਇਸ ਨੰਬਰ ਰਾਹੀਂ ਹੁਣ ਪਬਲਿਕ ਕਿਸੇ ਵੀ ਪ੍ਰਕਾਰ ਦੀਆਂ ਗ਼ੈਰ ਕਾਨੂੰਨੀ ਗਤੀਵਿਧੀਆਂ (ਡਰੱਗ ਸਮਗਲਿੰਗ, ਨਾਜਾਇਜ਼ ਸ਼ਰਾਬ, ਮਾਇਨਿੰਗ, ਘਰੇਲੂ ਹਿੰਸਾ, ਔਰਤਾਂ ਤੇ ਅੱਤਿਆਚਾਰ ਆਦਿ) ਬਾਰੇ ਪੁਲਿਸ ਨੂੰ ਸੂਚਿਤ ਕਰ ਸਕੇਗੀ। ਇਸਤੋਂ ਇਲਾਵਾ ‘ਕੋਵਿਡ-19’ ਸਬੰਧੀ ਜਾਣਕਾਰੀ ਵੀ ਇਸ ਨੰਬਰ ਤੇ ਵਟ੍ਹਸਐਪ ਰਾਹੀਂ ਦਿੱਤੀ ਜਾ ਸਕੇਗੀ।
ਇਹ ਵਟ੍ਹਸਐਪ ਨੰਬਰ ਪਬਲਿਕ ਦੀ ਮਦਦ ਨਾਲ ਅਪਰਾਧ ਨੂੰ ਨੱਥ ਪਾਉਣ ਲਈ ਚਲਾਇਆ ਗਿਆ ਹੈ। ਪਟਿਆਲਾ ਪੁਲਿਸ ਦੇ ਉੱਚ ਅਧਿਕਾਰੀਆਂ ਦੀ ਨਿਗਰਾਨੀ ਹੇਠ, ਲੋਕਾਂ ਵੱਲੋਂ ਮੁਹੱਈਆ ਕਰਵਾਈ ਜਾਣਕਾਰੀ ਤੇ ਤੁਰੰਤ ਕਰਵਾਈ ਕੀਤੀ ਜਾਵੇਗੀ ਅਤੇ ਸ਼ਿਕਾਇਤ ਕਰਨ ਵਾਲੇ ਦੀ ਪਹਿਚਾਣ ਨੂੰ ਵੀ ਗੁਪਤ ਰੱਖਿਆ ਜਾਵੇਗਾ।
